شمالی غزہ میں فلسطینی نشانہ باز کی فائرنگ سے ظالم فوجی ہلاک

(روزنامہ قدس ـ آنلائن خبر رساں ادارہ) گزشتہ شب شمالی غزہ شہر میں ایک فلسطینی مزاحمت کار کے نشانہ باز نے ایک قابض اسرائیلی فوجی کو ہلاک کر دیا۔ یہ کارروائی قابض اسرائیل کی غزہ پر مسلسل فوجی جارحیت کے جواب میں کی گئی۔

قابض اسرائیلی فوج کے ترجمان نے ایک مختصر بیان میں تصدیق کی کہ شمالی غزہ میں فلسطینی مزاحمت کے ساتھ جھڑپوں کے دوران ایک صہیونی فوجی مارا گیا۔

قابض اسرائیلی فوجی ریڈیو کے مطابق ہلاک ہونے والا فوجی جس کا نام تشالاتشو شمعون دمالاش تھا رینک کے لحاظ سے سارجنٹ میجر تھا اور لواء ناحال کی نو سو بتیس بٹالین سے تعلق رکھتا تھا۔ اسے شمالی غزہ شہر کے علاقے الشیخ رضوان کے قریب قابض اسرائیل کی ایک فوجی چوکی پر نشانہ بنایا گیا۔

تفصیلات کے مطابق بدھ کی شام تقریباً پانچ بجے فلسطینی تحریک حماس کے ایک نشانہ باز نے دور سے گولی چلائی جو سیدھی غاصب اسرائیلی فوجی کو لگی اور وہ موقع پر ہی جہنم واصل ہو گیا۔ قابض اسرائیلی فوج نے یہ بھی تسلیم کیا کہ اس کارروائی کے دوران قریب آنے یا چوکی پر حملہ کرنے کی کوئی کوشش نہیں کی گئی بلکہ یہ ایک دور سے کیا گیا فائر تھا۔

قابض اسرائیلی فوج کے سرکاری اعداد و شمار کے مطابق ساتھ اکتوبر 2023 سے اب تک ہلاک ہونے والے صیہونی افسران اور فوجیوں کی تعداد بڑھ کر نو سو بارہ ہو گئی ہے۔