اہل غزہ جنگ بندی کے باوجود امداد سے محروم

(روزنامہ قدس ـ آنلائن خبر رساں ادارہ) اہل غزہ نے مطالبہ کیا ہے کہ بین الاقوامی برادری گھروں کو تعمیر کرنے میں مدد کرے۔

حکام کے مطابق غزہ میں قاتلانہ صہیونی بمباری سے ستر فیصد رہائشی علاقے کھنڈر بن چکے ہیں۔ غزہ میں جنگ بندی کے باوجود لوگوں کو امداد نہیں مل رہی۔

رپورٹس کے مطابق پانی اور کھانے کیلئے لمبی لائنیں لگی ہیں رفح کراسنگ بند ہونے سے امدادی ٹرک غزہ میں داخل نہیں ہورہے جبکہ اقوام متحدہ نے رفح کراسنگ فوری کھولنے کا مطالبہ کیا ہے۔

واضح رہے کہ عالمی عدالت انصاف کے حکم کے باوجود قابض اسرائیل نے انروا کو غزہ میں داخلے کی اجازت دینے سے انکار کردیا ہے۔

قاتل و سفاک صہیونی حکام کا کہنا ہے امریکا کو بتا دیا ہے کہ انروا کو غزہ میں قدم رکھنے نہیں دینگے۔

گزشتہ روزعالمی عدالت انصاف کا کہنا تھا کہ غاصب اسرائیل ثابت نہیں کر سکا کہ غزہ میں یو این امدادی ایجنسی انروا کے زیادہ تر ارکان کا تعلق حماس سے ہے۔

عدالت کا کہنا تھا کہ ناجائز قاتل صہیونی حکومت کو غزہ میں اقوامِ متحدہ اور انروا کی امدادی سرگرمیوں کی اجازت دینی چاہیے۔