(روزنامہ قدس ۔آن لائن خبر رساں ادارہ) امارات اور بحرین کے صیہونی ریاست کے ساتھ تعلقات کو معمول پر لانے کےمعاہدے پر دستخط کی تقریب کے بعد فلسطینی مزاحمت کاروں کا شدید ردعمل ، قابض ریاست پر راکٹوں کی بارش کردی۔
صیہونی اخبار یدیعوت آحارونوت کی رپورٹ کےمطابق گزشتہ روز امارات اور بحرین کے درمیان نام نہاد امن معاہدے پر باضابطہ دستخط ہونے کےبعد فلسطینی مزاحمت کاروں نے قابض ریاست کے مختلف شہروں پر راکٹوں کی بارش کردی جس کے نتیجےمیں کم سے کم چھ صیہونیوں کے زخمی ہونے کی اطلاعات ہیں ۔
مقبوضہ فلسطین کے محصور شہر غزہ سے ہونے والے راکٹ حملوں کے بعد خطرے کے سائرن بجائے گئےاور قریبی شہر کے رہائشی زیر زمین پناہ گاہوں میں چلے گےبعض نےپوری رات بم پروف زیر زمین پناہ گاہوں میں رات گزاریں ۔