غزہ(روز نامہ قدس ۔آن لائن خبر رساں ادارہ) اسلامی جہاد کے عسکری ونگ القدس بریگیڈ نے ایک فوٹیج جاری کی ہے جس میں ایک اسرائیلی فوجی کو فلسطینی مزاحمت کاروں کی طرف سے فائرنگ کے نتیجے میں گولیاں لگتے دیکھا جا سکتا ہے۔
روز نامہ قدس کو موصول ہونے والی اطلاعات کے مطابق القدس بریگیڈ کی طرف سے جاری کردہ فوٹیج میں دیکھا جاسکتا ہے کہ اسرائیلی فوجی غزہ کی سرحد پر فلسطینی مظاہرین پر گولیاں چلا رہےہیں۔ اس دوران ایک اسرائیلی فوجی فلسطینی مظاہرین پر گولیاں چلاتا ہے۔ اسی اثناء میں القدس بریگیڈ کا ایک مجاھد اس پر فائرنگ کرتا ہے۔ گولی اسرائیلی فوجی کی بلٹ پروف جیکٹ پر لگنے اوراسرائیلی فوج کو زخمی کرتے دیکھا جاسکتا ہے۔
خیال رہے کہ غزہ کی پٹی کی سرحد پر گذشتہ 30 مارچ سے اسرائیلی فوج نہتے فلسطینی مظاہرین پر وحشیانہ فائرنگ کرتی رہی ہے جس کے نتیجے میں سیکڑوں فلسطینی شہید اور ہزاروں کی تعداد میں زخمی ہوچکے ہیں۔