(روز نامہ قدس ۔آن لائن خبر رساں ادارہ)عبرانی ٹی وی چینل کے مطابق مئی ۲۰۱۹ء دو سال کے دوران یہودی آباد کاروں کے لیے خون ریز مہینہ ثابت ہوا ہے۔
روزنامہ قدس کے مطابق، اسرائیل کے عبرانی ٹی وی چینل ‘۷’ کی رپورٹ میں بتایا گیا ہے کہ مئی ۲۰۱۹ء کے دوران فلسطینی مزاحمت کاروں کی یہودی آباد کاروں اور اسرائیلی فوج کے خلاف انتقامی اور مزاحمتی سرگرمیوں میں تین گنا اضافہ دیکھا گیا ہے۔
عبرانی ٹی وی چینل کے مطابق مئی ۲۰۱۹ء دو سال کے دوران یہودی آباد کاروں کے لیے خون ریز مہینہ ثابت ہوا ہے۔
خیال رہے کہ اپریل میں فلسطین میں یہودی آباد کاروں کے خلاف فلسطینیوں کے ۱۲۶ حملوں کا اندراج کیا گیا تھا جب کہ مئی میں فلسطینیوں کے مزاحمتی حملوں کی تعداد ۴۴۹ ہوگئی ہے۔ اس کی وجہ غزہ کی پٹی میں فلسطینی مزاحمت کاروں اور اسرائیلی فوج کے درمیان تصادم ہے۔ غزہ پر اسرائیلی فوج کے حملوں کے جواب میں فلسطینیوں کے میزائل حملوں میں چار صہیونی ہلاک اور سیکڑوں زخمی ہوگئے تھے۔