اسرائیلی فوج ہفتے کے روز فلسطین کے علاقے غزہ کی پٹی کے جنوبی علاقے رفح سے اندر داخل ہوئی اور دو گھنٹے تک شہری آبادی پر فائرنگ کرتی رہی۔ غزہ کی پٹی میں دراندازی کے دوران صہیونی فوجیون نے ایک مخبو الحواس فلسطینی کو حراست میں لے لیا ہے۔
مقامی ذرائع نے بتایا کہ صہیونی فوجیوں نے رفح کے مشرقی علاقے سے کئی سو میٹر اندر داخل ہوکر شہری آبادی پر مشین گنوں سے فائرنگ کی جس کے نتیجے میں متعدد مکانات کو نقصان پہنچا تاہم کسی قسم کے جانی نقصان کی اطلاع نہیں مل سکی۔عینی شاہدین نے بتایا کہ اسرائیلی فوجی مشرقی رفح سے اندر داخل ہونے کے بعد دو گھنٹے شہری آباد کار فائرنگ کے ساتھ ساتھ سرحدی علاقے میں گاڑیوں میں گھومتے رہے۔ اس دوران ایک ذہنی معذور شخص کو حراست میں لے لیا گیا تاہم بعد ازاں اسے چھوڑ دیا گیا تھا۔