مرکزاطلاعات فلسطین کے مطابق فلسطینی سیکرٹری تجارت و اقتصادیات عماد الباز نے ایک پریس کانفرنس کے دوران بتایا کہ انہیں اطلاع ملی ہے کہ اسررائیلی حکام کی طرف سے ایک نئی فہرست جاری کی گئی ہے جس میں غزہ کی پٹی کے لیے ممنوعہ اشیاء کی تعداد میں اضافہ کیا گیا ہے۔ انہوں نے بتایا کہ نئی فہرست میں پانی کے پائپ، گوشت فرائی کرنے کے لیے لوہے کی سیخوں اور لکڑی کے سامان سمیت درجنوں نئی اشیاء کو غزہ لے جانے پر پابندی عاید کی گئی ہے۔
فلسطینی عہدیدار کا کہنا تھا کہ اسرائیل کی جانب سے غزہ کے لیے ممنوعہ سامان کی اس سے قبل بھی کئی فہرستیں جاری کی جاتی رہیں جن میں ہزاروں ضرورت کی اشیاء کو غزہ لے جانے پر پابندی عاید کی گئی تھی۔ اس فہرست میں روز بروز اضافہ ہو رہا ہے۔
عماد الباز کا کہنا تھا کہ اسرائیل کی جانب سے غزہ کی پٹی کے لیے ممنوعہ سامان کی تعداد میں اضافے سے جنگ سے تباہ حال علاقوں کی تعمیر نو میں مشکلات کا سامنا کرنا پڑ رہا ہے۔ بحران میں گھرے غزہ کی پٹی کے مکینوں کی مشکلات مزید دو چند ہوگئی ہیں اور شہری ایک نئی پریشانی کا سامنا کررہے ہیں۔
بشکریہ:مرکزاطلاعات فلسطین