مصری حکام کے مطابق ایک مصری امدادی قافلہ غزہ کے ہسپتالوں کے لیے ادویات اور میڈیکل کے شعبے میں استعمال ہونے والے دیگر ضروری اشیاءکی نئی کھیپ لے کر رفح کراسنگ کے ذریعے غزہ داخل ہو گیا ہے۔
ریڈ کراس سوسائٹی کے العریش کے سربراہ جنرل جابر العربی نےذرائع ابلاغ کے لیے جاری اپنے بیان میں بتایا کہ اس قافلے کے ہمراہ دس ٹن وزنی ادویات اور طبی سازوسامان غزہ بھیجا گیا ہے جس کا انتظام مصر کی ڈاکٹرز یونین نےکیا تھا۔
العربی نے بتایا کہ اس سامان میں ادویات کے علاوہ ایمرجنسی میں استعمال کیا جانے والے آلات اور دیگر سامان خصوصی طور پر غزہ بھیجا جا رہا ہے عام طور پر غزہ کے ہسپتال اور طبی مراکز ان آلات سے محروم ہیں۔
اس موقع پر مصری حکام نے بتایا کہ اسلامک ریلیف فنڈ نےبھی جمعرات کے روز 3000 ڈائلسز فلٹر غزہ بھیجے تھے۔