غزہ(روز نامہ قدس ۔آن لائن خبر رساں ادارہ)فلسطینی وزارت تعلیم کے مطابق غزہ کی پٹی میں اسرائیلی فوج کے جنگی طیاروں کے نتیجے میں 13 اسکول بھی متاثر ہوئے ہیں۔
روزنامہ قدس کے مطابق اسرائیلی بمباری سے بعض اسکولوں کو درمیانے اور بعض کو آخری درجے کا نقصان پہنچا ہے۔ کئی اسکولوں کے کھڑکیوں کے شیشے ٹوٹ گئے۔
اسرائیلی بمباری سے متاثر ہونے والے اسکولوں میں شمالی غزہ میں تین، مشرقی غزہ میں ایک، مغربی غزہ میں ایک، وسطی غزہ میں دو، مشرقی غزہ میں ایک اور مغربی خان یونس میں پانچ اسکول متاثر ہوئے۔
فلسطینی وزارت تعلیم نے اسکولوں پر اسرائیلی طیاروں کی وحشیانہ بمباری کی شدید مذمت کرتے ہوئے تعلیمی اداروں کو نشانہ بنائے جانے کو بین الاقوامی اصولوں اور عالمی معاہدوں کی کھلی خلاف ورزی قرار دیا۔
فلسطینی سیکرٹری تعلیم نے اسرائیلی بمباری سے متاثر ہونے والے اسکولوں کا دورہ کیا اور بمباری سے ہونے والے نقصانات کا جائزہ لیا۔