(روزنامہ قدس ـ آنلائن خبر رساں ادارہ) غزہ اور خان یونس میں قابض اسرائیلی فوج نے باضابطہ جنگ بندی کے باوجود فلسطینی شہریوں اور پناہ گزینوں پر حملے جاری رکھے ہوئے ہیں۔
فلسطینی خبر ایجنسی شہاب کے مطابق غزہ شہر کے مشرقی علاقے پر غاصب اسرائیلی فوج توپ خانے کے ذریعے گولہ باری کی۔ جنوبی غزہ کے شہر خان یونس میں بھی قاتل صہیونی فوجیوں نے معصوم و نہتے فلسطینیوں کو گولیاں کا نشانہ بنایا۔
اعداد و شمار کے مطابق صہیونی فوج نے جنگ بندی کے باوجود کم از کم ۱۰۰ مقامات پر بمباری کی جس کے نتیجے میں ستانوے افراد شہید اوردو سو تیس زخمی ہوئے۔
یہ واقعات امریکی صدر ڈونلڈ ٹرمپ کے اس دعوے کے برعکس ہے کہ غزہ کی جنگ بندی معاہدہ برقرار ہے۔
