غزہ (روز نامہ قدس ۔آن لائن خبر رساں ادارہ) رواں ماہ فروری کے اوائل میں غزہ کی پٹی میں سماجی تنظیموں نے ’’مریض بچاؤ‘‘ کے عنوان سے ایک مہم شروع کی تھی۔ اس مہم کے دوران اب تک غزہ کے مختلف اسپتالوں میں زیرعلاج 70 مریضوں کی سرجری کے ذریعے علاج کیا گیا۔
روز نامہ قدس کو موصول ہونے والی اطلاعات کے مطابق مہم کے ایک رکن انجینیر محمد حسنہ نے بتایا کہ ان کی مہم صرف مریضوں کی معاونت تک محدود نہیں بلکہ انہوں نے گذشتہ ہفتے کے دوران غزہ کی پٹی میں 16 غریب خاندانوں کو ان کے گھروں کی تعمیر میں مدد کی تھی۔ مکانات کی مرمت کا کام اب بھی جاری ہے۔
ان کا کہنا تھا کہ گذشتہ دو ماہ سے جاری مہم کے دوران انہوں نے غزہ میں شہریوں کو سردی سے بچے میں مدد کے لیے ایندھن، خوراک، اسکول کے بچوں کو یونیفارم، غزہ کےسیکڑوں یتیم بچوں کی کفالت، دسیوں بچوں کی طلبہ کی اسکول فیسیں بھی ادا کی گئیں۔
غزہ کی پٹی میں ’’مریض بچاؤ ‘‘ مہم فروری کے اوائل میں شروع کی گئی تھی۔ اس کا مقصد غزہ کے اسپتالوں میں ان مریضوں کے علاج میں معاونت کرنا تھا جن کی سرجری کی سفارش کی گئی ہے۔ ان کا ہدف ایسے 100 مریضوں کی سرجری کرنا ہے اور وہ اب تک 70 کیسز نمٹا چکے ہیں۔