صہیونی فوج کی غزہ پر وحشیانہ بمباری، ٹرمپ سمیت عالمی اپیلیں مسترد

(روزنامہ قدس ـ آنلائن خبر رساں ادارہ) ٹرمپ منصوبے کے بارے میں حماس کی طرف سے مثبت جواب آنے اور ٹرمپ کی طرف سے حملے روکنے کی درخواست کے باوجود اسرائیلی قابضین نے غزہ کی پٹی پر دوسرے روز بھی وحشیانہ حملے جاری رکھے۔

رپورٹ کے مطابق گذشتہ دو دنوں میں قابض اسرائیل نے غزہ کی پٹی پر ایک سو اکتیس سے زائد حملے کیے، جن کے نتیجے میں ۹۴ افراد شہید اور متعدد زخمی ہوئے۔ یہ حملے زیادہ تر گنجان آباد علاقوں میں کیے گئے۔قاتل اسرائیلی فوج نے وسطی غزہ کے البریج کیمپ کے شمالی علاقوں پر بھی توپخانے سے حملے کیے۔

واضح رہے کہ حماس نے ٹرمپ کے امن منصوبے کے اصولی اجزاء کی منظوری دی تھی اور دنیا کے متعدد ممالک نے جابراسرائیل سے فوری طور پر حملے بند کرنے کا مطالبہ کیا تھا تاہم غاصب اسرائیلی حکام نے اپنی جارحیت جاری رکھی۔