(روز نامہ قدس ۔آنلائن خبر رساں ادارہ ) صیہونی فوجیوں کو دنیا کی ہر طرح کی آسائشیں میسر ہیں اس کے باوجود اسرائیلی فوجیوں میں خود کشی کے واقعات نے صیہونی فوجی حکام کو پریشان کردیا ہے۔
صیہونی عبرانی ٹی وی چینل نے اپنے رپورٹ میں انکشاف کیا ہے کہ گذشتہ سال 2020 میں 9 اسرائیلی فوجیوں نے خودکشیاں کی ، رپورٹ میں خودکشی کی کسی خاص وجہ کو بیان نہیں کیا گیا ہے تاہم ذرائع کا کہنا ہے کہ صیہونی فوج کی بڑی تعداد فلسطینی مزاحمت کاروں کے سامنے جانے سے خوفزدہ ہے تاہم احکامات کو ماننے پر مجبور ہیں ۔
چینل نے صیہونی فوج کے ہیومن ریسور ڈیپارٹمنٹ کی طرف سے جاری رپورٹ کا حوالہ دیتے ہوئے بتایا ہے کہ گذشتہ سال 2020ء میں 9 اور 2019ء میں 12 فوجیوں نے خود کشی کی تھی جس کی دوسالوں میں مجموعی تعداد 19 ہے جو کہ ایک بڑا نقصان ہے ۔
صیہونی فوجیوں کی خودکشیوں کی کوئی خاص وجہ نہیں بتائی گئی ہے تاہم ذرائع کا کہنا ہے کہ اسرائیلی فوجیوں کی بڑی تعداد فلسطینی مزاحمت کاروں کا سامنا کرنے سے گھبراتی ہے لیکن احکامات کے آگے مجبور ہیں
واضح رہے کہ اسرائیلی میں ہر یہودی جو 18 سال کا ہو اس پر فوجی ٹریننگ لازمی ہے ، حالیہ خودکشی کرنے والے صیہونی فوجیوں کی عمریں 18 سے 21 سال کے درمیان بتائی جاتی ہیں ، اسرائیلی فوج میں خودکشیوں کی اوسط امریکہ اور بھارت کے بعد دنیا میں تیسرے نمبر پر ہے ۔