(روز نامہ قدس ۔آنلائن خبر رساں ادارہ ) شرپسند صہیونی آبادکاروں کے منظم گرو ہ نے فلسطینیوں کے گھروں پر پتھراؤکیا اور علاقہ مکینوں کے گھروں پراسلام مخالف اشتعال انگیز نعرے لکھے جس کے نتیجے میں فلسطینی باشندوں اور آباد کاروں کے مابین تصادم میں اسرائیلی فوج نے بڑے پیمانے پرفلسطینیوں کو گرفتار کر تے ہوئے نا معلوم مقام پر منتقل کردیا۔
تفصیلات کے مطابق گذشتہ روز قابض ریاست اسرائیل میں نابلس کے جنوب میں حوارہ کے علاقے میں علی الصبح شر پسند صہیونی آبادکاروں کے منظم گرو ہ نے فلسطینیوں کے گھروں پر شدید پتھراؤکیا جس کے نتیجے میں متعدد گھروں کے شیشے ٹوٹ گئے اور املاک کو بھاری نقصان پہنچاجبکہ صہیو نی آبادکاروں کے پتھراؤسےدرجنوں فلسطینی بھی زخمی ہوگئے۔
صیہونی شر پسند عناصر نے فوج کی موجودگی میں راہ گیر فلسطینیوں کو بھی تشدد کانشانہ بنایا اور علاقہ مکینوں کے گھروں پراسلام مخالف اشتعال انگیز نعرے لکھے جس کے نتیجے میں فلسطینی باشندوں اور آباد کاروں کے مابین تصادم ہوا تاہم ا سرائیلی فوج نے صرف فلسطینیوں کو تشدد کانشانہ بناتے ہوئے بڑے پیمانے پر گرفتار کر تے ہوئے نا معلوم مقام پر منتقل کر دیا۔