(روزنامہ قدس ۔آن لائن خبر رساں ادارہ) ترکی کے صدر "رجب طیب اردوآن” نے کہا کہ "مسئلہ فلسطین” ترکی کیلئے سرخ لکیر ہے، دنیا کی کوئی طاقت یا دھمکی ترکی کو فلسطین اور "مقبوضہ بیت المقدس” کے حقوق کے تحفظ سے روک نہیں سکتی۔
نیویارک میں اقوام متحدہ کی جنرل اسمبلی کے اجلاس میں شرکت سے قبل ایک تقریب سے خطاب کرتے ہوئے ترک صدر رجب طیب اروآن کا کہنا تھا کہ "ہم فلسطین اور مقبوضہ بیت المقدس کے حقوق کے تحفظ کے لیے کسی بھی دھمکی اور دھونس کی پرواہ نہیں کریں گے "۔ القدس کا مسئلہ ان کے ملک کے لیے ایک سرخ لکیر ہے۔
ترکی کا خیال ہے کہ اس کا دفاع انسانی اقدار، انصاف اور امن کا دفاع ہے، انہوں نے مزید کہا کہ جس طرح ہم پہلے یہودیوں کے خلاف نازی نسل کشی کودیکھتے ہیں اسی طرح ہم غزہ کی پٹی میں ہونے والے قتل عام کو بھی اسی تناظر سے دیکھتے ہیں۔
اردوآن نے کہا "کچھ لوگوں کی ناراضگی کے باوجود ہم سعودی صحافی جمال خاشقجی کے قتل اورمصر کے سابق صدر محمد مرسی کی ہلاکت کے معاملے حقائق کی تلاش جاری رکھیں گے۔”