(روز نامہ قدس ۔آنلائن خبر رساں ادارہ ) باب حطہ میں شہید ہونے والے بہادر فلسطینی شہری کا مسجد اقصیٰ میں گھس کر مقدس مقام کی بے حرمتی کرنے اور مذہبی اشتعال انگیزی پھیلانے والے صہیونیوں کے لیے یہ واضح پیغام ہے ۔
گزشتہ شب قابض صہیونی فوج کی جانب سے مقبوضہ بیت المقدس کے ایک دروازے باب حطہ پرصہیونی فوجی آپریشن کےدوران نوجوان فلسطینی مجاہد نے صہیونی فوجیوں کا مقابلہ کرتے ہوئے جام شہادت نوش کیا ۔
صہیونی فوج کی جانب سے آئےدن مسجد اقصی کی حرمت پامالی کے خلاف فلسطینی نوجوان کے ہاتھوں ایک صہیونی فوجی کے زخمی ہونے کی بھی اطلاعات ہیں تاہم صہیونیوں پر فدائی حملہ کرنے والے بہادر فلسطینی نوجوان نے قبلہ اول کی حرمت پر قربان ہو کر اسلامی سنہری تاریخ میں اپنا رقم کر دیا ہے۔
واضح رہے کہ باب حطہ میں بہادر فلسطینی شہری کا دشمن کا مقابلہ کرتے ہوئے جام شہادت نوش کرنا انتہا پسند یہودیوں کے لیے بھی واضح پیغام ہے جو روزانہ کی بنیاد پر مسجد اقصیٰ میں گھس کر مقدس مقام کی بے حرمتی کرتے اور تلمودی تعلیمات کے مطابق مذہبی اشتعال انگیزی کا مظاہرہ کرتے ہیں۔