(روز نامہ قدس ۔آنلائن خبر رساں ادارہ ) بلاجواز گرفتاریوں اور گھروں میں لوٹ مار کے خلاف فلسطینی نوجوانوں نے صیہونی فوج پر حملہ کیا جس کے نتیجےمیں کم سے کم 5 صیہونی فوجیوں کے زخمی ہونےکی اطلاعات ہیں۔
صیہونی ذرائع ابلاغ کے مطابق گذشتہ روز مقبوضہ بیت المقدس کے مشرقی علاقے العیسویہ میں فلسطینی نوجوانوں اور اسرائیلی فوجیوں کے درمیان جھڑپ اس وقت شروع ہوئی جب اسرائیلی فوجیوں نے فلسطینیوں کے گھروں میں تلاشی کے نام پر روایتی لوٹ مار کی اور مکینوں کو تشدد کانشانہ بنایا۔
اسرائیلی فوج کے غیر قانونی اقدامات کے خلاف فلسطینی نوجوانوں نے فوجیوں پر سنگ باری کی جس کے نتیجے میں کم سے کم پانچ اسرائیلی فوجیوں کے زخمی ہونےکی اطلاعات ہیں، صیہونی فوج نے مظاہرین کو منتشر کرنے کیلئے آنسو گیس کی شیلنگ کی اور فائرنگ کی جس سے ایک بچے سمیت 10 فلسطینی زخمی ہوئے۔
فلسطینیوں کی جانب سے سنگ باری کے بعد اسرائیلی فوج نے علاقے میں بڑے پیمانےپر پکڑ دھکڑ شروع کی اور خواتین سمیت متعدد فلسطینیوں کو گرفتارکرلیا۔