(روز نامہ قدس ۔آنلائن خبر رساں ادارہ ) فلسطینی مزاحمتی جماعتوں نے کہا ہے کہ اسرائیل نے بے گناہ شہریوں کو قتل کر کے سرخ لکیر عبور کی ہے،اب رد عمل کے ساتھ ہونے والے واقعات کی ترتیب کے لیے اسرائیل ذمہ دار ہوگا۔
تفصیلات کےمطابق مقبوضہ فلسطین میں مزاحمتی گروپوں کی جانب سے صہیونی جارحیت کے ہاتھوں فلسطینیوں کی شہادتوں کے بعدا علان کیاگیا ہےکہ اب وقت آگیاہے کہ مزاحمتی جماعتیں اور عوام مل کراسرائیل کو منہ توڑ جواب دیں۔
بیان میں کہا گیا کہ مزاحمتی قوتوں نےتمام فلسطین میں ہونے والے واقعات اور پیش رفتوں کا قریب سے مشاہدہ کیا ہےجس سے پتہ چلتا ہے کہ فلسطینی علاقوں میں اسرائیلی افواج کی دشمنی اور معصوم فلسطینیوں کے خلاف ان کے جرائم میں اضافہ ہوا ہےجس کا ردعمل ضرور سامنے ٓئے گا۔
بیان میں مزید کہا گیا کہ اسرائیل نے بے گناہ شہریوں کو قتل کر کے سرخ لکیر عبور کی ہے،اب رد عمل کے ساتھ ہونے والے واقعات کی ترتیب کے لیے اسرائیل ذمہ دار ہوگا۔