(روز نامہ قدس ۔آنلائن خبر رساں ادارہ ) قابض فوج کے محاصرے کا شکار مقبوضہ فلسطین کے شہر غزہ کے سرحدی علاقے کے قریب صیہونی فوج کی گاڑی کو پیش آنے والے حادثے میں چار صیہونی فوجی زخمی ہوگئے ہیں۔
مقامی فلسطینی ذرائع نے بتایا کہ گزشتہ جمعہ کےروز مقامی وقت کے مطابق 11 بجے شمالی غزہ میں سرحد کےقریب فوجی گاڑی الٹنے سے چار اسرائیلی فوجی زخمی ہوگئے۔
صیہونی فوج کی جانب سے حادثے کے حوالے سے کوئی اطلاع موصول نہیں ہوئی کہ اس حادثے میں زخمی ہونے والے فوجیوں کی حالت کیسی ہے اور انھیں کس اسپتال میں علاج کیلئے متنقل کیا گیا ہے ۔