(روزنامہ قدس ۔آن لائن خبر رساں ادارہ) کورونا وائرس سے متاثر تینوں افراد حال ہی میں مصر کے راستے غزہ واپس آئے تھے جہاں انہیں احتیاطی تدابیر کے تحت قرنطینہ مراکز منتقل کردیا تھا۔
فلسطینی وزارت صحت کی طرف سے جاری کردہ ایک بیان میں کہا گیا ہے کہ منگل کے روز غزہ میں کورونا وائرس کے تین نئے مریض سامنے آئے ہیں تینوں مریض گزشتہ ہفتے مصر سے رفح گذرگاہ کے راستے غزہ داخل ہوئے تھےجنہیں احتیاطی طورپر سرحدی علاقے میں قائم کردہ قرنطینہ سینٹر منتقل کردیا گیا تھا۔
کورونا کا شکار ہونے والے تینوں مریضوں میں ایک 70سالہ خاتون، ایک 40 سالہ اور ایک 19 سالہ شخص شامل ہے۔
غزہ میں مزید تین مریضوں کے کورونا سے متاثر ہونے کے بعد موجودہ مریضوں کی تعداد 8ہوگئی ہے۔