(روزنامہ قدس ۔آن لائن خبر رساں ادارہ(صیہونی ریاست کے مظالم پر مبنی سوشل میڈیا پر وائرل ہونے والی ویڈیو میں دیکھا جاسکتا ہے کہ اسرائیلی پولیس ایک فلسطینی شہری کو سرعام بدترین تشدد کا نشانہ بنانے کے بعد گرفتارکرکے لے گئے ۔
سوشل میڈیاپر وائرل ہونے والی ویڈیو میں دیکھا جاسکتا ہے کہ صیہونی پولیس نے گزشتہ جمعہ کی شام مقبوضہ بیت المقدس کے ضلع العیساویہ کے قریب ایک فلسطینی نوجوان کو روکا اور اس کی جانب سے روکنے کی وجوہات پوچھنے پر صیہونی پولیس اہلکاروں نے نوجوان کو بدترین تشدد کا نشانہ بنایا اور گرفتارکرکے اپنے ہمراہ صیہونی عقوبت خانے لے گئے ۔
واضح رہے کہ عالمی وباء کورونا وائرس کے بحران کے باوجود صیہونی فوج اورپولیس کی جانب سے فلسطینی باشندوں کے گھروں اور کاروباری علاقوں میں روزانہ کی بنیاد پر چھاپے اور تلاشی کے نام پر لوٹ مار اور توڑپھوڑ جاری ہے دوسری جانب اسرائیلی پولیس فورس ، کئی مہینوں سے سیکڑوں باشندوں کو حراست میں لے رہی ہے ، جن میں نابالغ افراد بھی شامل ہیں۔