صیہونی وزیراعظم کا تل ابیب سے سعودیہ عرب براہ راست پروازیں چلانے کاوعدہ

(روز نامہ قدس ۔آنلائن خبر رساں ادارہ ) صیہونی وزیر اعظم نے اسرائیلی عوام سے وعدہ کیا ہے کہ اگر وہ 23 مارچ کو ہونےوالے انتخابات میں بھاری اکثریت سے کامیاب ہوگئے تو وہ تل ابیب سے سعودی عرب کے شہر مکہ کیلئے براہ راست پروازیں شروع کریں گے۔

صیہونی ریاست کے چینل 13کو دیئے گئے انٹرویو میں ایک متنازعہ بیان دیتے ہوئے صیہونی ریاست کے وزیراعظم بنجمن نیتن یاھو نے اسرائیلی عوام سے وعدہ کیا ہے کہ اگر انھوں نے 23 مارچ کو ہونے والے کنیسٹ (اسرائیلی پارلیمنٹ) کےانتخابات میں بھاری اکثریت سےکامیابی حاصل کرلی تو وہ اسرائیلی دارالحکومت تل ابیب سے سعودی عرب کے شہر مکہ کیلئے براہ راست پروازیں شروع کریں گے۔

انھوں نے دعویٰ کیا ہے کہ امارات، بحرین ، سوڈان کے بعد اگلے مرحلے میں مزید چار ممالک قابض صیہونی ریاست کے ساتھ سفارتی تعلقات قائم کرنے کیلئے تیار ہیں، انکا کہنا تھا کہ وہ امن کیلئے غیر معمولی کوششیں کررہے ہیں اور سعودی عرب کے ساتھ ان کے تعلقات بہت اچھے ہیں۔