(روزنامہ قدس ۔آن لائن خبر رساں ادارہ) مقبوضہ فلسطینی میں صیہونی فوج کی سرپرستی میں سرگرم صیہونی مافیا نے تین مزید فلسطینیوں کو فائرنگ کرکے شہید کردیا اور موقع سے فرار ہوگئے۔
مقامی ذرائع سے حاصل معلومات کے مطابق صیہونی فوج کی سربراہی میں صیہونی سرگرم جرائم پیشہ صیہونی مافیا نے مقبوضہ بیت المقدس کے شہر علاقے باقہ میں ایک شاپنگ سینٹر میں تین فلسطینیوں کو فائرنگ کرکے شہید کردیا ، شہید ہونے والوں کی شناخت 25 سالہ امیر ابو حسین اور 41 سالہ محمد جمیل شرقیہ سگے بھائی ہیں جبکہ 33 سالہ احمد بھی شہید ہونے والوںمیں شامل ہیں ۔
عینی شاہدین کا کہنا ہے کہ شاپنگ سینٹر میں تین نقاب پوش حملہ آور داخل ہوئے اور فلسطینی نوجوانوں پر اندھا دھند فائرنگ کردی ، فائرنگ سے زخمی ہونے والے فلسطینیوں کو اسپتالوں میں لے جایا گیا جہاں وہ زخموں کی تاب نہ لاتے ہوئے دم توڑ گئے۔
خیال رہےکہ سنہ 1948ء کی جنگ میں اسرائیلی ریاست کے قبضے میں آنے والے فلسطینی علاقوں میں موجود فلسطینی عرب باشندوں کی غیراعلانیہ نسل کشی کا سلسلہ عرصہ دراز سے جاری ہے جس میں اب تک سیکڑوں فلسطینیوں کو موت کے گھاٹ اتارا کا چکا ہے۔
اسرائیلی پولیس اور دیگر سیکیورٹی ادارے قاتل گینگ کی باقاعدہ سرپرستی کرتے پائے گئے ہیں۔ کئی واقعات میں قاتلوں کا پتا چلا ہے مگر ان کے خلاف کسی قسم کی کارروئی نہیں کی گئی۔ اس سے واضحہوتا ہےکہ فلسطینیوںکی مجرمانہ نسل کشی کے پیچھے اسرائیلی ریاست کا ہاتھ ہے۔