(روزنامہ قدس ۔آن لائن خبر رساں ادارہ) صیہونی فوج کا کہنا ہے کہ فلسطینی کو غیر قانونی طورپر اسرائیل میں داخل ہونے پر نشانہ بنایا گیا۔
عینی شاہدین کا کہنا ہے کہ مطابق صیہونی فوج نے مقبوضہ فلسطین کے مغربی کنارے کے شہر قلقیلیہ کے شمال میں دیوار علیحدگی کے قریب 30 سالہ فلسطینی راہ گیر کو اس وقت گولیاں مار کر شدید زخمی کردیا جب وہ دیوار علیحدگی کے قریب سے گزررہا تھا، زخمی فلسطینی کو فوری طبی امداد کیلئے قلقیلیہ شہر کے واحد سرکاری ہسپتال منتقل کر دیا گیا۔
صیہونی فوج کی جانب سے جاری بیان میں دعویٰ کیا گیا ہے کہ فلسطینی نے غیر قانونی طورپر اسرائیل میں داخلے کی کوشش کی جس پر سرحدی چوکیوں پر تعینات فوج نے نشانہ بنایا ۔