(روز نامہ قدس ۔آنلائن خبر رساں ادارہ ) کوروناوائرس کو بہانہ بناتے ہوئے صیہونی فوج نے فلسطینی قیدیوں پر اہل خانہ سے ملاقات کی بھی پابندی عائد کردی ہے۔
انسانی حقوق کی عالمی تنظیم ریڈ کراس کی جانب سے جاری بیان میں بتایا گیا ہے کہ ن صہیونی حکام نے غزہ کی پٹی اور غرب اردن سے تعلق رکھنے والے فلسطینیوں کی جیلوںمیں قید اپنے رشتہ داروں اور اہلخانہ سے ملاقات پرپابندی لگا دی ہے، یہ پابندی کرونا وائرس کی وجہ سے لگائی گئی ہے۔
دوسری جانب صہیونی فوج کی طرف سے بتایا گیا ہے کہ آئندہ ہفتےجیلوں میں قید فلسطینیوں کے ساتھ ان کے رشتہ داروں کی ملاقاتوں کی اجازت نہیں ہوگی، اسرائیلی فوج کی طرف سے باقاعدہ طورپر مطلع کیے جانے کے بعد 19 فلسطینیوں کو اسرائیلی جیلوں میں اپنے رشتہ داروں سے ملاقات کے لیے جانے سے روک دیا گیا ہے۔
واضح رہے کہ گذشتہ روز اسرائیلی فوج کی طرف سے بتایا گیا تھا کہ کرونا وائرس پھیلنے کے بعد عسقلان جیل میں 19 قیدیوں کے اس وائرس کا شکار ہونے کا اندیشہ ہے۔