(روزنامہ قدس ۔آن لائن خبر رساں ادارہ) شرپسند صہیونی آبادکاروں کے حملے میں فلسطینیوں کے زیتون اور انگور کے باغات سمیت کئی پھل دار درخت تباہ کردیئے۔
عینی شاہدین کے مطابق 20 صہیونی شرپسندوں نے اسرائیلی فوج کی نگرانی میں مقبوضہ فلسطین کے مغربی کنارے کے شمالی شہر نابلس میں باب الواد کے مقام پر فلسطینی شہریوں کے کھیتوں میں کھڑی فصلوں اور زرعی اجناس کو آتش گیر مواد کے ذریعے آگ لگا دی جس کے باعث کئی کنال پرپھیلی گندم کی تیار فصل جل کرراکھ ہوگئی۔
صہیونی آبادکاروں نے زیتون اور انگور کے باغات بھی جلا دیےجس کے نتیجے میں کئی پھل دار درخٹ جل کر مکمل تباہ ہوگئے ۔
شر پسندصہیونی آبادکاروں نے متعدد فلسطینی کاشت کاروں پر بھی تشدد کیا جس کے باعث ا یک فلسطینی شدید زخمی ہوگیا۔ زخمی شہری کو اسپتال منتقل کر دیا گیا ہے