(روزنامہ قدس ۔آن لائن خبر رساں ادارہ) فلسطینی انٹیلی جنس سروس نے 2017 میں بھی صحافی کو گرفتار کیا تھا اور عدالتی احکامات کو نظر انداز کرتے ہوئے فلسطینی اتھارٹی نے صحافی کو ایک ماہ تک حبس بے جامیں رکھنے کے بعد رہا کیا تھا۔
گزشتہ روز فلسطینی اتھارٹی کے سربراہ محمود عباس کے ماتحت پولیس نے غرب اردن کے شمالی شہر طولکرم میں ایک کارروائی کے دوران ایک سینئر صحافی سامی الساعی کو حراست میں لے لیا۔ذرائع کے مطابق عباس ملیشیا نے الساعی کو طولکرم شہر سے اغوا کے بعد ایک حراستی مرکز منتقل کردیا ہےجہاں سے الساعی کے جرم کے متعلق کوئی معلومات فراہم نہیں کی جارہی ہیں واضح رہے کہ فلسطینی انٹیلی جنس سروس نے 2 فروری 2017 ء کو بھی صحافی سامی الساعی کو گرفتار کیا تھا۔ عدالت کی طرف سے الساعی کی رہائی کا حکم دیا گیا تھا مگر عدالتی حکم کو نظر انداز کرتے ہوئے30 دن مسلسل تاخیر اور ٹال مٹول کے بعد الساعی کی رہائی عمل میں لائی گئی تھی۔