(روز نامہ قدس ۔آنلائن خبر رساں ادارہ ) گذشتہ برس صیہونی فورسز نے ریاستی دہشتگردی کا مظاہرہ کرتےہوئے دو خواتین ، آٹھ بچوں سمیت 48فلسطینیوں کو شہید کیا جکہ درجنوں کو ہمیشہ کیلئے معذرور کردیا۔
فلسطینی شہدا و اسیران فورم کے سیکرٹری جنرل محمد صبیحات نے بتایا کہ سال 2020ء کے دوران 48 فلسطینی شہید ہوئے۔ان میں 36 غرب اردن اور 12 غزہ کی پٹی سے تعلق رکھتے ہیں۔ شہدا میں دو خواتین اور 46 مرد ہیں۔
شہدا میں سب سے کم عمر 13 سالہ علی ایمن ابو علیا ہیں جنہیں 4 دسمبر 2020ء کو اسرائیلی فوج نے رام اللہ کے نواحی علاقے المغیر میں گولیاں مار کر شہید کیا گیا۔اس کے علاوہ شہدا میں 75 سالہ سعدی محمود خلیل الغرابلی کو غزہ کی پٹی کے مشرقی علاقے الشجاعیہ میں گولیاں مار کر شہید کیا گیا۔