(روز نامہ قدس ۔آنلائن خبر رساں ادارہ )لبنان کی مزاحمتی تحریک نے چند گھنٹوں کےدوران صیہونی ریاست کے دو جاسوس ڈرون طیاروں کو اتارلیا ہے، اسرائیلی فوج نے اپنے جاسوس ڈرون کو حزب اللہ کے قبضے میں لینے کی تصدیق کی ہے۔
لبنان کی مزاحمتی تحریک حزب اللہ کی جانب سے جاری کردہ بیان میں انکشاف کیا گیا ہے کہ انھوں نے لبنان کی سرحدی حدودکی خلاف ورزی کرنےوالے دو اسرائیلی ڈرونز جو جنوبی لبنان کے علاقے بلیدہ میں داخل ہوئے تھے ان کو کامیابی سے اتارلیا ہے۔
دوسری جانب صیہونی فوج نے حزب اللہ کے بیان کی تصدیق کرتےہوئے کہا ہے کہ اسرائیلی فوج کے دو جاسوس ڈرون کو حزب اللہ نے اپنے قبضے میں لےلیا ہے۔
واضح رہے کہ گذشتہ روز بھی غزہ کے سرحدی علاقے بیت ھانون میں فلسطین کی اسلامی مزاحمتی تحریک حماس نے بھی ایک اسرائیلی جاسوس ڈرن مار گرایا تھا۔