(روز نامہ قدس ۔آنلائن خبر رساں ادارہ ) نئی دلی میں اسرائیلی سفارت خانے کے قریب ایک دھماکہ ہوا ہے جس میں متعدد گاڑیوں کو نقصان پہنچا ہےتاہم کسی کے ہلاک یا زخمی ہونے کی اطلاع نہیں ملی۔
بھارتی ذرائع ابلاغ کے مطابق دھماکہ بھارتی شہر نئی دہلی میں شام پانچ بجے کے قریب صیہونی ریاست اسرائیل کے سفارتخانے کے قریبب سڑک کے نزدیک ہوا جس سے اطراف میں کھڑی ہوئی کئی کاروں کے شیشے ٹوٹ گئے۔
اس علاقے میں سیکیورٹی پہلے سے ہی سخت تھی کیونکہ اسی روز بھارت اور اسرائیل اپنے سفارتی تعلقات کے قیام کی 29 سال مکمل ہونے پر سالگرہ منا رہے تھے واضح رہے کہ جس وقت یہ دھماکہ ہوا اس وقت وہاں سے محض دو کلومیٹر کی دوری پرانڈین فوج کی ایک تقریب جاری تھی جس میں صدر مملکت، نائب صدر، وزیر اعظم اور تینوں افواج کے سربراہ موجود تھے، دھماکے کے بعد سرکاری عمارتوں اور ہوائی اڈوں کی سیکیورٹی سخت کر دی ہے۔