(روزنامہ قدس ۔آن لائن خبر رساں ادارہ) اراکین نے مطالبہ کرتے ہوئے کہا ہے کہ اسرائیل کی جانب سے غرب اردن کو اسرائیل میں شامل کرنا بین القوامی قوانین کے منافی ہے اور اگر صیہونی حکومت غرب اردن کے علاقوں کو اپنے زیر قبضہ علاقوں میں ضم کرنے کا اقدام کرتی ہے تو اس کے خلاف تادیبی کارروائی کی جانی چاہئے۔
تفصیلات کےمطابق برطانیہ کی کنزرویٹیو سمیت مختلف سیاسی جماعتوں کے ایک سو ستائیس موجودہ و سابق ممبران پارلیمنٹ نے وزیر اعظم بورس جانسن کے نام ایک خط لکھ کر مطالبہ کیا ہے کہ اگر صیہونی حکومت غرب اردن کے علاقوں کو اپنے زیرقبضہ علاقوں میں ضم کرنے کا اقدام کرے تو اس کے خلاف پابندیاں عائد کی جائیں۔
لکھے گئے اس خط پر دستخط کرنے والے ممبران پارلیمنٹ نے برطانوی وزیر اعظم بوریس جانسن سے مطالبہ کیا ہے کہ وہ اپنے اس موقف کا اعلان کریں کہ صیہونی حکومت کا یہ منصوبہ عالمی قوانین کے منافی ہے اور اگر صیہونی حکومت غرب اردن کے علاقوں کو اپنے زیر قبضہ علاقوں میں ضم کرنے کا اقدام کرتی ہے تو اس کے خلاف تادیبی کارروائی کی جائے گی۔اس خط میں تاکید کی گئی ہے کہ عالمی برادری، فلسطینیوں کے حقوق کے تحفظ کی پابند ہے۔