(روزنامہ قدس ۔آن لائن خبر رساں ادارہ ) روزنامہ قدس کوموصول ہونے والی اطلاعات کے مطابق اٹلی میں 27 جون کو فلسطین کی حمایت میں بڑے پیمانہ پر احتجاجی مظاہرے ہوں گے۔ اطلاعات کے مطابق
اٹلی کے بارہ شہروں میں 27جون کو فلسطین کے حق میں مظاہرے ہونگے۔ ان مظاہروں کی کال اٹلی کی نمایاں سیاسی جماعتوں عرب اطالوی اتحاد فلسطینی ڈاکٹرز تنظیم اور درجنوں عوامی رضاکاروں اور انسانی حقوق کی تنظمیوں نے دی ہے ، ایک اندازے کے مطابق بارہ شہروں میں کئی لاکھ افراد نکل سکتے ہیں۔
واضح رہے کہ اطالوی حکومت کا سرکاری موقف اسرائیلی تجاوزات کے خلاف رہا ہے اور اب بھی اسرائیل کے یہودی آباد کاری کے توسیع پروگرام کی مخالفت میں ہے۔