(روزنامہ قدس ۔آن لائن خبر رساں ادارہ) اسرائیلی دفاعی تجزیہ نگارنے کہا ہے کہ اگر اسرائیلی فوج اور مزاحمتی تحریک القسام بریگیڈ کی عسکری صلاحیتوں کا موازنہ کیا جائے تو القسام بریگیڈ اسرائیلی فوج سے زیادہ بہتر اور موثر حکمت عملی کی حامل ہے۔
اسرائیل اخبار معاریف کو دیئے گئے ایک تفصیلی انٹرویو میں اسرائیلی دفاعی تجزیہ نگار بینی عامیدرور نے کہا ہے کہ یہ حیرت کی بات ہے اور اس کو تسلیم کرنےمیں مجھے کوئی عار نہیں ہے کہ اگر دنیا کی جدید ترین ٹیکنالوجی کی حامل اسرائیل فوج کا اسلامی مزاحمتی تحریک حماس کے عسکری ونگ القسام بریگیڈ سے موازنہ کیا جائے تو القسام بریگیڈ کی عسکری طاقت اسرائیلی فوج سے بہت بہتر ہے۔
انھوں نے کہا کہ ہمارے فوج طویل عرصے سے جنگ میں مصروف ہے اس کے باوجود فلسطینی مزاحمت کاروں کے تجربے عسکری مہارت اور ٹریننگ میں بہت عمدہ ہیں۔