(روز نامہ قدس ۔آنلائن خبر رساں ادارہ ) آبادکاروں کے گروہ نے فلسطینی شہریوں کے گھروں کے باہر قابل اعتراض فقرے لکھے اور گھروں کے شیشے توڑ ڈالے۔
ذرائع کے مطابق گذشتہ روز قابض صہیونی ریاست اسرائیل میں الخلیل کے علاقے میں صہیونی مذہبی جنونی آباد کاروں کے منظم گروہ کی جانب سے فلسطینی باشندوں پر پتھراؤ کیا گیا اور ان کے گھروں کے شیشے توڑدیے گئے ۔
صہیونی آباد کاروں نے فلسطینی باشندوں کے گھروں کی دیواروں پر قابل اعتراض فقرے لکھے جس کے نتیجے میں آبادکاروں اور فلسطینیوں کے درمیان زبردست تصادم ہوا اوردونوں جانب سے شدید پتھراؤ کیا گیا جس کے نتیجے میں کئی افراد بری ترح زخمی ہوئے تاہم موقع پرموجود صہیونی فوج نے فلسطینی باشندوں پر آنسو گیس شیلنگ کی بھاری مقدار گرائی اور درجنوں نوجوانوں کو تشدد کا نشانہ بناتے ہوئے حراست میں لے لیا۔