(روز نامہ قدس ۔آنلائن خبر رساں ادارہ ) الشیخ ناجح بکیرات نے کہا ہے کہ اسرائیل کی فلسطینیوں کو مسجد اقصٰی سے دور رکھنے کی سازش کو ناکام بناتے ہوئے صہیونی دہشت گردی کے باوجود ماہ صیام میں مسجد اقصیٰ کو عبادت گزاروں کے لیے کھلا رکھا جائے گا۔
تفصیلات کے مطابق گذشتہ روز مقبوضہ بیت المقدس میں اسلامی اوقاف کے ڈپٹی ڈائریکٹر الشیخ ناجح بکیرات کی جانب سے ایک پریس بیان جاری کیا گیا ہے جس میں کہا گیا ہے کہ ماہ صیام کی آمد سے قبلہ اول میں عبادت کے لیے تیاریاں اورانتظامات مکمل کیے جا چکے ہیں اور ماہ صیام میں مسجد اقصیٰ کو عبادت کے لیے کھلا رکھا جائے گا۔
ان کا کہنا تھا کہقابض صہیونی حکام کی جانب سے قبلہ اول کے امور کو اسرائیلی قومی سلامتی کونسل کے حوالے کرنے کے اقدامات کی شدید الفاظ میں مذمت کرتے ہیں اور دشمن کو بتادینا چاہتے ہیں کہ اسرائیلی ریاست ایک قابض ریاست ہے جو مسجد اقصیٰ کے امور کو اپنے ہاتھ میں لینے کے وہ حربے استعمال کر رہی ہے جس نے یہ ثابت کیا ہے کہ اسرائیل فلسطینیوں کو قبلہ اول سے دور کرنے کی دانستہ کوششیں کر رہا ہے جسے کبھی کامیاب نہیں ہونے دیا جائے گا۔
الشیخ ناجح بکیرات نے مزید کہا کہ تمام فلسطینیوں کو قبلہ اول میں داخل ہونے اور اس ماہ مبارک میں مسجد میں عبادت کرنے کا پورا حق ہےجسے صہیونی حکام اور شر پسند عناصر کسی اوچھے ہتھکنڈوں سے چھین نہیں سکتے۔