(روز نامہ قدس ۔آنلائن خبر رساں ادارہ )اسرائیل درندگی کی انتہاؤ ں کو چھونے لگا،قابض صہیونی فوج نے گزشتہ چھے ماہ میں 16 فلسطینی پھول کچل ڈالے۔تمام بچوں کو ریاستی دہشت گردی کے مختلف واقعات میں شہیدکیا گیا۔
تفصیلات کے مطابق انسانی حقوق کی معروف تنظیم ‘المیزان مرکز برائے انسانی حقوق ‘ کی جانب سے جاری کردہ ایک رپورٹ میں بتایا گیا ہے کہ سال 2019 کے پہلے چھ ماہ میں غزہ کی سرحد پر اسرائیلی فوج کی جانب سے دہشت گردی کی مختلف کارروائیوں میں 16 فلسطینی بچے اپنی جان سے ہاتھ دھو بیٹھے جب کہ 1233 زخمی ہو گئے۔
جب کہ مختلف چھاپو ں اور گھر گھر تلاشی کے عمل کے دوران 17 فلسطینی بچوں کو گرفتار کیا گیا ۔بعد ازاں بعض بچوں کو بعد میں رہا کردیا گیا۔
رپورٹ میں مزیدبتایا گیا ہے کہ صہیونی حکام فلسطینی بچوں کے حقوق کی پامالیوں، بچوں کے قتل عام اوران کے حوالے سے عالمی معاہدوں کی خلاف ورزیوں کا سلسلہ جاری رکھے ہوئے ہیں۔