(روزنامہ قدس ۔آن لائن خبر رساں ادارہ) امریکا سے درآمد کیا گیا مہنگا ترین دفاعی نظام آئرن ڈوم فلسطینی مزاحمت کاروں کے حملوں کو روکنے میں ناکام ہے۔
تفصیلات کے مطابق گزشتہ ہفتے صیہونی فضائیہ نے جب غزہ کےمختلف مقامات پر وحشیانہ بمباری کی تو اس کے ردعمل میں مزاحمتی تحریک نے اسرئیلی بستیوں پر راکٹ حملے کئے ۔
فلسطین کی تحریک مزاحمت کے سپاہیوں نے اسرئیل میں سدیروت صہیونی کالونی پر تین میزائل فائر کئے جس کے نتیجےمیں متعدد صیہونیوں کے زخمی ہونے کی خبر ہے۔
صیہونی فوج کے ترجمان اویخای ادرئی نے ڈھکے چھپے لفظوں میں فلسطینیوں کے میزائلی حملوں کو روکنے میں آئرن ڈوم کی ناکامی کا اعتراف کرتے ہوئے کہا ہے کہ شمال مشرقی غزہ سے صیہونی کالونیوں پر تین میزائل فائر کئے گئے جن میں سے ایک میزائل آئرن ڈوم کے فعال ہونے کے باوجود سدیروت پرگرا۔ اسرائیلی فوج کے ترجمان نے کہا کہ فلسطینیوں کے اس میزائلی حملے میں کم سے کم دو صیہونی زخمی ہوگئے جبکہ بہت سے خوف سے حواس باختہ ہوگئے جنہیں اسپتال لے جانا پڑا۔