(روز نامہ قدس ۔آنلائن خبر رساں ادارہ) غزہ کی وزارت صحت نے شہر پر صیہونی دہشتگردی کے باعث نقصان کی تازہ تفصیلات جاری کی ہیں، تفصیلات کے مطابق گزشتہ 24 گھنٹوں کے دوران غزہ میں غاصب صیہونی افواج کی وحشیانہ بمباری میں خواتین اور بچوں سمتی مزید 41 فلسطینی شہید اور 61 زخمی ہوئے ہیں،
وزارت صحت نے مزید بتایا کہ صیہونی ریاست اور مزاحمتی قوتوں کے درمیان حالیہ جنگ بندی کے بعد گذشتہ ہفتے دوبارہ شروع ہونے والی اسرائیلی نسل کشی کی کارروائیوں میں اب تک 673 فلسطینی شہید اور 1,233 زخمی ہوئے ہیں، جس کے بعد سات اکتوبر 2023 سے جاری نسل کشی کی کارروائیوں میں مجموعی طور پر فلسطینی شہداء کی تعداد 50,021 تک پہنچ چکی ہے، جبکہ زخمیوں کی تعداد 113,274 ہو گئی ہے۔
یہ اعداد و شمار اس بات کی غمازی کرتے ہیں کہ غزہ میں مسلسل جاری غیر قانونی صیہونی ریاست کے حملوں کے باعث انسانی جانوں کا ضیاع بڑھ رہا ہے، اور زخمیوں کی تعداد میں بھی مسلسل اضافہ ہو رہا ہے۔