(روز نامہ قدس ۔آن لائن خبر رساں ادارہ)گزشتہ روز اسرئیلی حراست میں شہید ہونے والے فلسطینی نوجوان عمر یونس کے گھر والوں سے ملاقات کےلئے اسرائیلی حکام نے 5000 شیکل رشوت کا مطالبہ کیا تھا ، اسرائیلی اخبار Hararetzنے جمعہ کو اپنی رپورٹ میں بتایا کہ شہید ہونے والے نوجوان عمر یونس کے گھرانے سے اسرائیلی حکام نے ملاقات کرانے کے لئے 5000شیکل ( اسرائیلی کرنسی ) رشوت کا مطالبہ کیا تھا ۔
تفصیلات کے مطابق 20سالہ عمر یونس کو اسرائیلی فوج نے بیت المقدس کے مغربی کنارے پر فائرنگ کرکے شدید زخمی کردیا تھا ، جس کے بعد زخمی کو اسرائیلی میڈیل سینٹر منتقل کیا جہاں تشویشناک حالت میں رہنے کے بعد گزشتہ روز شہید ہوگیا ۔ اسرائلی فوج نے عمر یونس پر فائرنگ کا جواز دیتے ہوئے ک دعویٰ کیا تھا کہ عمر یونس اسرائیلی فوج پر حملے کی کوشش کررہا تھا اس دوران ہدف بنایا گیا
فلسطینی قیدیوں اور شہدا کی تفصیلات رکھنے والے کمیشن کا کہنا ہے کہ 1967 سے آج تک اسرائیلی حراست میں شہید کئے جانے والے شہداء کی تعداد 291ہوگئی ہے