(روزنامہ قدس ۔آنلائن خبر رساں ادارہ) اسرائیل کے وزیر خارجہ کی بحرین میں مانامہ آمد پر بحرینی عوام نے سخت ردعمل کا اظہار کرتے ہوئے احتجاجی مظاہرے کیے ،سڑکوں پر ٹائر جلائےاور بحرین اور اسرائیل کے مابین تعلقات معمول پر لانے پر فلسطین کے ساتھ اظہار یکجہتی کرتے ہوئے اسرائیلی مظالم کے خلاف نعرے لگائے۔
ذرائع کے مطابق گذشتہ روز صہیونی وزیر خارجہ یائر لیپد اسرائیلی سفارت خانے کے افتتاح کیلیے بحرین پہنچے جہاں حکومتی سطح پر ان کا خیر مقدم کیا گیا اوراپنے اس پہلے تاریخی دورےکے حوالے سے صہیونی وزیر خارجہ کا کہنا تھا کہ انہیں اسرائیل کی نمائندگی کرنے پر فخر ہےتاہم بحرین میں حزب اختلاف کی کالعدم شیعہ تحریک الوفاق کے ڈپٹی سیکرٹری جنرل شیخ حسین الداح نے کہا ہے کہ بحرین میں اسرائیلی وزیر خارجہ کے دورے کو بحرین کے عوام نےمکمل طور پر رد کردیا ہے۔
الوفاق تنظیم نے گذشتہ برس بحرین کےاسرائیل کے ساتھ ہونے والے سفارتی معاہدے ابراہم اکارڈ کو ’اسلام اور عرب دنیا سے غداری‘ قرار دیا تھا کیونکہ اس نے آزاد فلسطینی ریاست کے قیام تک اسرائیل کے ساتھ تعلقات معمول پر نہ لانے کے عزم کو ٹھیس پہنچائی تھی۔
خیال رہے کہ قابض صہیونی ریاست کے وزیر خارجہ کی بحرین میں مانامہ آمد پر بحرینی عوام نے سخت ردعمل کا اظہار کرتے ہوئے احتجاجی مظاہرے کیے ،سڑکوں پر ٹائر جلائےاور بحرین اور اسرائیل کے مابین تعلقات معمول پر لانے پر فلسطین کے ساتھ اظہار یکجہتی کرتے ہوئے اسرائیلی مظالم کے خلاف نعرے لگائے۔