(روز نامہ قدس ۔آنلائن خبر رساں ادارہ) اسرائیل دنیا بھر میں ایک قابل نفرت ملک بن گیا ہے، امریکہ کے علاوہ کوئی حکومت اسرائیل کا دورہ کرنے کو تیار نہیں ہے۔”لبنانی اور فلسطینی نوجوان مجرم صہیونی وجود کے مقابلے میں ثابت قدم ہیں۔
ایران میں پاسداران انقلاب کے کمانڈر میجر جنرل حسین سلامی نے آج کرمانشاہ کے شہداء کو خراج عقیدت پیش کرنے کے لئے منعقد ایک کانفرنس سے خطاب کرتے ہوئے غیر قانونی صیہونی ریاست اسرائیل کو مخاطب کرتے ہوئے کہا اسرائیل نے اپنے فیصلوں سے اپنے لئے خود کشی کی راہ منتخب کرلی ہے قریب کے کہ ہم اسرائیل کا اختتام دیکھیں گے۔
انھوں نے کہا کہ آج صیہونی ریاست دنیا کی سب سے نفرت انگیز حکومت بن چکی ہے اور سوائے امریکہ کے کوئی بھی سیاست دان نہیں چاہتا کے اس کا دورہ کریں۔
انہوں نے زور دے کر کہا کہ "صیہونی ریاست کو اپنے جرائم کی سزا کا انتظار کرنا چاہیے ہم اس کو دنیا کے نقشے سے مٹا دیں گے اور امریکہ کی غیر معمولی حمایت تھاڈ سسٹم بھی اس کو تحفظ فراہم نہیں کرسکے گا۔
انھوں نے مزید کہا کہ "لبنانی اور فلسطینی نوجوان مجرم صہیونی وجود کے مقابلے میں ثابت قدم ہیں اور دنیا کے نوجوان ان کا ساتھ دیں گے۔