(روز نامہ قدس ۔آنلائن خبر رساں ادارہ ) امریکی ڈیموکریٹک کے اراکین نے مطالبہ کیا ہے کہ امریکا میں غیرقانونی صیہونی آباد کاروں کو عطیات دینے والی تنظیموں کو ٹیکس استثنیٰ درجہ دینا بند کیا جائے۔
امریکی قانون ساز اسمبلی کی اراکین جن میں راشدہ طلیب، الہان عمر، آندرے کارسن، مارک پوکن، بٹی میککلم اور آیانا پریسلی نے گذشتہ روز وزارت خزانہ کے سکرییٹری جنٹن یلن کو ایک مراسلہ ارسال کیا، جس میں مطالبہ کیا گیا ہے کہ امریکا میں مقیم وہ تنظیمیں جو غیرقانونی صیہونی ریاست اسرائیل میں غیرقانونی صیہونی آبادکاروں کو عطیات دیتی ہیں ان کو دیا گیا ٹیکس استثنیٰ درجہ دینا بند کیا جائے اور محکمہ یقینی بنائے کہ یہ ادارے بین الاقومی قوانین کی خلاف ورزیوں میں ملوث نہ ہوں۔
اراکین نے مراسلے میں اپنی انتہائی تشویش کا اظہار کرتے ہوئے لکھا ہے کہ امریکی خیراتی ادارے اسرائیلی تنظیموں کو مالی اعانت فراہم کررہے ہیں اور بین الاقوامی قوانین کی خلاف ورزی کرتے ہوئے اسرائیل کی غیر قانونی تصفیہی کاروباری تنظیموں کو پھیلا نےاور برقرار رکھنے کے لئے کوشاں ہیں یہ پالیسی بین الاقوامی قانون کے ساتھ ساتھ وفاقی ٹیکس قانون کے تحت امریکی قوانین کی بھی خلاف ورزی کرتی ہیں۔