(روزنامہ قدس ۔آن لائن خبر رساں ادارہ) چیمپئن شپ جیتنے کے بعد فلسطینی نوجوان ناصر کا کہنا ہے کہ اپنے وطن کا نام اونچا کر کے نہایت خوشی کا احساس ہوا ہے اور میں فخر کرتا ہوں کہ میرا تعلق فلسطین سے ہے۔
عالمی نشریاتی ادارے کی جاری کردہ رپورٹ کے مطابق یوکرین میں منعقدہ بین الاقوامی باڈی بلڈنگ چیمپئن شپ میں مقبوضہ بیت المقدس سے تعلق رکھنے والے فلسطینی نوجوان ناصر نے حصہ لے کر پہلی پوزیشن حاصل کی۔
ناصرنے چیمپئن شپ میں پہلی پوزیشن آنے پر خوشی کا اظہار کیا اور بھر پور مسرت کے ساتھ فلسطینی پرچم کو ہوا میں لہرایا۔
اس موقع پر ناصر کا کہنا ہے کہ اپنے وطن کا نام اونچا کر کے نہایت خوشی کا احساس ہوا ہے اور میں فخر کرتا ہوں کہ میرا تعلق فلسطین سے ہے۔