ترکی اور اسرائیل کے خطے میں مشترکہ مفاد ہیں، اسرائیلی وزیردفاع

(روز نامہ قدس ۔آنلائن خبر رساں ادارہ ) اسرائیلی وزیراعظم کاکہنا ہے کہ ترکی اور اسرائیل دونوں ملکوں میں تجارت، سیاحت، صنعت اور بہت سے شعبوں میں تعاون کے وسیع امکانات موجود ہیں، ہمارا مستقبل امید افزا ہے۔

گذشتہ روز دورہ ترکی پر انقرہ پہنچنے کے بعد اسرائیلی وزیر دفاع بینی گانٹز  نے صحافیوں سے بات کرتے ہوئے کہا ہے کہ ترکی کے ساتھ تل ابیب کے تعلقات مثبت سمت میں آگے بڑھ رہے ہیں اور ہم اس کی حمایت جاری رکھیں گے۔دونوں ملکوں میں تجارت، سیاحت، صنعت اور بہت سے شعبوں میں تعاون کے وسیع امکانات موجود ہیں، ہمارا مستقبل امید افزا ہے، تاہم یہ سب خطے اور دنیا میں استحکام اور سلامتی کو برقرار رکھنے میں ہمارے مشترکہ مفادات پر منحصر ہے۔

یہ بھی پڑھیے

عرب امارات میں اسرائیلی فضائی دفاعی نظام نصب

انہوں نے ترکی میں صہیونی ریاست کے شہریوں اور یہودیوں کو قابل تشویش حد تک لاحق خطرات کو کم کرنے میں صدر ایردوان، وزیر دفاع آقار اور حفاظتی اداروں کا شکریہ ادا کرتے ہوئے کہا کہ دہشت گردی اور اس کی مالی معاونت کرنے والوں سے نمٹنے کے لیے اسرائیل اور ترکی کو اپنی صلاحیتیں بروئے کار لانا چاہئے۔

گانٹز نے مشرق وسطیٰ اور مشرقی بحیرہ روم میں ہونے والی پیش رفتوں کے متعلق اظہار خیال کرتے ہوئے کہا کہ ترکی امریکہ کا اتحادی اور نیٹو کا رکن ہے اور وہ عالمی استحکام کو یقینی بنانے میں اہم کردار ادا کرتا ہے۔