مقبوضہ بیت المقدس – (روزنامہ قدس ـ آنلائن خبر رساں ادارہ) مسجد اقصیٰ میں منگل کی شام ہزاروں نمازیوں کی آمد دیکھی گئی جنہوں نے رواں سال ماہ رمضان المبارک کی پہلی رات نماز عشاء اور تراویح ادا کی۔
مقدس شہر کے ذرائع نے اطلاع دی ہے کہ قابض اسرائیل کی سخت سکیورٹی اور علاقے کے داخلی راستوں پر لگائی گئی رکاوٹوں کے باوجود ہزاروں فلسطینی مسجد اقصیٰ پہنچنے اور نماز ادا کرنے میں کامیاب رہے۔
مسجد اقصیٰ اور پرانے شہر کے گرد و نواح میں قابض اسرائیلی افواج نے مسجد کے دروازوں پر کڑی پابندیاں عائد کر رکھی تھیں جہاں داخلی راستوں پر شہریوں کے شناختی کارڈز کی جانچ پڑتال کی گئی اور متعدد افراد کو مسجد میں داخل ہونے سے روک دیا گیا۔
نمازیوں کی جانب سے نماز تراویح کی ادائیگی کے دوران ہی ذرائع نے یہ بھی بتایا کہ قابض اسرائیلی افواج نے مسجد اقصیٰ کے صحنوں میں دراندازی کی۔
