مقبوضہ کشمیر میں بھارتی فوج کا آپریشن پانچویں روز بھی جاری، اسرائیلی ساختہ ڈرونز کا استعمال

(روز نامہ قدس ۔آنلائن خبر رساں ادارہ ) بدھ کو اسی علاقے میں ہونے والے ایک حملے میں بھارتی فوج کا ایک کرنل، ایک میجر، ایک سپاہی اور پولیس کا ایک ڈپٹی سپرنٹنڈنٹ(ڈی ایس پی) مارا گیا تھا۔

کشمیر میڈیا سروس کے مطابق بھارت کے غیر قانونی زیر قبضہ جموںوکشمیر میں بھارتی فورسز نے ضلع اسلام آباد کے علاقے کوکرناگ گڈول میں آج مسلسل 5ویں روز بھی محاصرے اور تلاشی کی پرتشدد کارروائیاں جاری رکھیں۔

 بھارتی فوجیوں، پیرا ملٹری اور پولیس اہلکاوں نے آپریشن کا آغاز گذشتہ روز منگل کے روز کیا تھا۔ بھارتی فوج آپریشن میں ہیلی کاپٹروں اور اسرائیلی ساختہ ڈرون طیاروں کا استعمال کرہی ہے۔

بدھ کو اسی علاقے میں ہونے والے ایک حملے میں بھارتی فوج کا ایک کرنل، ایک میجر، ایک سپاہی اور پولیس کا ایک ڈپٹی سپرنٹنڈنٹ(ڈی ایس پی) مارا گیا تھا۔آپریشن میں اسرائیلی ساختہ ڈرون طیاروںکا استعمال اس بات کا ثبوت ہے کہ بھارت اور اسرائیل کشمیر اور فلسطین میںآزادی کی منصفانہ تحریکوں کو دبانے کیلئے ایک دوسرے کے ساتھ قریبی تعاون کر رہے ہیں۔