(روز نامہ قدس ۔آنلائن خبر رساں ادارہ )شامی فوج نے شامی سرحدی حدود کی خلاف ورزی کرنے والے صہیونی فوجکے ڈرون طیارے کو مار گرایا، صہیونی فوج کا کہنا ہے کہ سرنگونی کی اطلاع دیتے ہوئے دعوی کیا ہے کہ یہ تکنیکی خرابی کے باعث گر کر تباہ ہوا۔
شامی فوج کی جانب سے جاری کردہ بیان میں بتایا گیا ہے کہ گذشتہ روز اسرائیلی فوج کے جاسوس طیارے کو شامی سرحدی حدود کی خلاف ورزی کرنے پر مار گریا ہے دوسری جانب غیر قانونی صہیونی ریاست کی نام نہاد فوج کے ترجمان نے بتایا ہے کہ اسرائیل کا ایک ڈرون شام کی فضائی حدود کی خلاف ورزی کرتے ہوئے شام کے آسمان میں داخل ہوا اور فنی خرابی کے باعث گر کر تباہ ہوگیا۔
اسرائیلی فوج نے کہا ہے کہ مار گرایا جانے والا ڈرون "چیکاؤک” قسم کا تھا اور وہ اس ڈرون طیارے کی معلومات کے افشا ہونے سے پریشان نہیں ہیں۔
گزشتہ مہینے جنوبی شام پر اسرائیلی حکومت کے میزائل حملے کے بعد اس ملک میں ایک صیہونی ڈرون طیارہ گر کر تباہ ہو گیا تھا۔ اسرائیلی حکومت ان ڈرونز کو لبنان اور خطے میں جاسوسی کے لیے استعمال کرتی ہے۔