مسلمانوں کا شبہ، صہیونی فوج نے سابق خاتون اسرائیلی فوجی  اہلکار کو گولیاں مارکر قتل کردیا

(روز نامہ قدس ۔آنلائن خبر رساں ادارہ ) صہیونی فوج کا کہنا ہے کہ اس نے مسلمانوں جیسا لباس پہنا ہوا تھا ، اس کی سرگرمیاں مشکوک محسوس ہونے پر فائرنگ کی گئی تاہم وہ سابق اسرائیلی  فوجی اہلکار تھی۔

غیر قانونی صہیونی ریاست اسرائیل کی ذرائع ابلاغ کی رپورٹ کے مطابق آج صبح مقبوضہ مغربی کنارے کے شہر الخلیل میں  صہیونی فورسز نے ایک خاتون کو گولیاں مار کر ہلاک کردیا جس کے حوالے سے ابتدائی طورپر کہا جارہا تھا کہ یہ فلسطینی خاتون ہے  جو  صہیونی فورسز پر قاتلانہ حملہ کرنے کی کوشش کررہی تھی۔

بعد ازاں معلوم ہوا کہ یہ  مسلمان نہیں بلکہ دماغی طوپر بیمار ایک اسرائیلی خاتون ہے جو گذشتہ کئی سال اسرائیلی فوج میں  اپنی خدمات انجام دے چکی ہے۔

صہیونی فوج کا کہنا ہے کہ اس نے مسلمانوں جیسا لباس پہنا ہوا تھا ، اس کی سرگرمیاں مشکوک محسوس ہونے پر فائرنگ کی گئی تاہم بعد میں معلوم ہوا کہ وہ سابق اسرائیلی  فوجی اہلکار تھی۔