(روزنامہ قدس ۔آن لائن خبر رساں ادارہ) مقبوضہ وادی میں سکیورٹی کے نام پر جگہ جگہ ناکے لگے ہوئے ہیں، پوچھ گوچھ کا سلسلہ جاری ہے جب کہ اعداد و شمار کے مطابق گزشتہ چند روز کے دوران صرف ضلع پلوامہ میں 28 بے گناہ و نہتے کشمیریوں کو ماورائے عدالت قتل کیا جا چکا ہے۔
کشمیر میڈیا سروس کی رپورٹ کےمطابق مقبوضہ کشمیر پر قابض بھارتی حکومت نے کشمیر پر مکمل کنٹرول اور مزاحمت کاروں کو کارروائیوں سے روکنے کےلئے کمشیر کے مختلف علاقوں میں خفیہ ایجنسیوں کے ماہرین کو متعین کردیا ہےجو قابض فورسز کی 9 روز سے جاری غیر انسانی آپریشن میں معاونت فراہم کریں گے۔
بھارتی وزارت داخلہ نے مقبوضہ علاقے میں بھارتی فوج اور پولیس اہلکاروں کی مدد کے نام پر سینٹرل ریزرو پولیس فورس، این آئی اے اور انٹیلی جنس بیورو سمیت دیگر پیراملٹری فورسز اور خفیہ ایجنسیوں کے ماہرین کو متعین کیا ہے۔
کشمیر میڈیا سروس کے مطابق سینٹرل آرمڈ پولیس فورسز کے اعلیٰ عہدیدار اور انٹیلی جنس ماہرین مقبوضہ کشمیر میں فوجی کارروائیوں میں مدد کے لیے پہلے ہی سے موجود ہیں لیکن اب نیشنل سکیورٹی گارڈز کے نام نہاد انسداد دہشت گردی کے ماہرین بھی کارروائیوں میں بھارتی فوج اور پولیس اہلکاروں کی مدد کے لیے مقبوضہ وادی میں پہنچ گئے ہیں۔
مقبوضہ وادی میں سکیورٹی کے نام پر جگہ جگہ ناکے لگے ہوئے ہیں، پوچھ گوچھ کا سلسلہ جاری ہے جب کہ اعداد و شمار کے مطابق گزشتہ چند روز کے دوران صرف ضلع پلوامہ میں 28 بے گناہ و نہتے کشمیریوں کو ماورائے عدالت قتل کیا جا چکا ہے۔