صہیونی  فضائیہ کا شامی ائیر پورٹ پر حملہ، پروازیں معطل

(روزنامہ قدس ۔آن لائن خبر رساں ادارہ) شامی وزارت ٹرانسپورٹ نے بتایا کہ ہوائی اڈہ اسرائیلی بمباری سے متاثر ہواجس کے باعث تمام پروازیں کم از کم 48 گھنٹوں کے لیے ملتوی کرنی پڑیں اور کچھ پروازوں کو حلب کے ہوائی اڈے کی طرف موڑ دیا گیا ہے۔

عالمی خبر رساں ادارے کے مطابق ملک شام کی وزارتِ ٹرانسپورٹ نے مصدقہ رپورٹ جاری کی ہےجس کے مطابق گذشتہ روز قابض ریاست اسرائیل کی فضائیہ نے دارالحکومت دمشق کے بین الاقوامی ہوائی اڈے کو نشانہ بناتے ہوئے رن وے کوشدید متاثر کیا ہے جس کے باعث اس ایئر پورٹ سے  پروازوں کو  فوری طور پر روک دیا گیا ہے۔

وزارت ٹرانسپورٹ نے بتایا کہ ہوائی اڈہ اسرائیلی بمباری سے متاثر ہواجس کے باعث تمام پروازیں کم از کم 48 گھنٹوں کے لیے ملتوی کرنی پڑیں اور کچھ پروازوں کو حلب کے ہوائی اڈے کی طرف موڑ دیا گیا ہے۔

واضح رہے کہ شام کی سرکاری نشریاتی ادارے نے بھی اطلاع دی ہے کہ قابض اسرائیلی دشمن نےشام کے مقبوضہ علاقے وادی گولان کی سمت بھی میزائل داغےجو جنوبی علاقوں میں گرےجس سے کچھ تباہی ہوئی ہے تاہم شامی فوج کے فضائی دفاعی نظام  نے ان میزائلوں کا مقابلہ کیا اور اس کا جواب دیتے ہوئے کارروائی کی ہے۔